Cederna Garalur garapen agentziak berdintasunari eta emakumeen aurkako indarkeriari buruzko online prestakuntza antolatu du

berdintasuna ikastaroa cederna garalur

  • Saioak online izanen dira azaroaren 3an, 5ean eta 9an, gaztelaniaz eta euskaraz, eta bi orduko iraupena izanen dute.

  • Prestakuntza tokiko ordezkariei, udal-teknikariei, emakumeen mugimendu eta elkarteei eta era guztietako gizarte- eta ekonomia-eragileri dago bideratuta.

«Kontziliaziorako Tokiko Itunak» programako genero-berdintasuna sustatzeko ekintzen barnean, Cederna Garalur Elkarteak emakumeen aurkako indarkeriaren arloko prestakuntzari eta sentsibilizazioari buruz sei lantegi (dohainik) antolatu ditu.

Saioak udal-ordezkari politikoei eta udaletako teknikariei bideratuta daude, baita Nafarroako Mendialdeko emakumeen mugimendu eta elkarteei eta ekonomia- eta gizarte-eragileei ere; besteak beste, partzuergoei, enpresei, sindikatuei, mankomunitateei edo guraso-elkarteei.

Prestakuntza bera da lantegi bakoitzerako: Sei lantegi eginen dira egun eta ordutegi desberdinetan, parte-hartzea errazte aldera. Saio birtualak izanen dira, azaroaren 3an, 5ean eta 9an, 2 orduko saioak, gaztelaniaz eta euskaraz. Gaztelaniazko saioak azaroaren 3an (10:00etatik 12:00etara), azaroaren 5ean (9:00etatik 11:00etara) eta 9an (12:00etatik 14:00etara) eginen dira. Bestalde, euskarazko saioak, berriz, 16:00etatik 18:00etara izanen dira azaroaren 3an eta 5ean, eta 15:00etatik 17:00etara azaroaren 9an. Lantegietan gehienez ere 20 lagunek har dezakete parte. Murgibe enpresak bideratuko ditu lantegiak.

Prestakuntza horren helburu nagusia da indarkeria-kasuak identifikatzeko eta tratu txarren aurrean erabilgarri dauden baliabideak ezagutzeko behar diren tresnak ematea. Horrez gain, prestakuntza horren bidez, erakunde parte-hartzaileen arteko loturak sendotzen dira, eta indarkeria-egoeren eta tratu txarren aurrean fronte komun bat eratzen da.

Prestakuntza-ekintza horiek emakumeen eta gizonen arteko berdintasuna sustatzeko proiektuen deialdian txertatzen dira, Nafarroako Berdintasunerako Institutuak sustatutako «Kontziliaziorako Tokiko Itunak» programaren barruan.

Argibide gehiago:

Gasbidearen proiektua: alternatiba jasangarriago bat proposatu du Udalak

Larraungo Udalak, Arakilgo Udalarekin batera, administrazioarekiko auzi-errekurtsoa aurkeztu du Nafarroako Gobernuak Etxeberri eta Lekunberri arteko gasbide baterako baimena ematearen kontra, eta, aldi berean, bide berri bat aztertzeko eskatu du. Aurreikusitako gasbide horrek gure udalerriko Madotz, Oderitz, Astitz eta Alliko lurrak gurutzatuko lituzke.

Arakilgo eta Larraungo Udalek adierazi dute ez daudela gasbide proiektuaren kontra, izan ere, Lekunberrin beharra dago eta hura ase behar da. Bi udalak aukeratutako trazaduraren aurka daude. Horregatik, administrazioarekiko auzi-errekurtsoa aurkeztu dute Nafarroako Gobernuak baimena ematearen kontra. Aldi berean, Plazaolako trazadura aztertzeko eskatu dute, zentzuzkoena, inpaktu gutxienekoa eta ekonomikoena dela iritzita. Txostena aurkeztu dute horretarako. Hodi eta kanalizazio guztiak hortik doaz, esaterako, Plazaolako bide berdean barna eramaten da gaur egun Iribastik Irurtzunera arteko goi ur-hornidura sarea eta zuntz optikoaren sarea ere handik hedatzen da.

Proiektuaren eta balizko alternatiben inguruko informazio gehiago emateko, solasaldia izanen da ostiralean, urriaren 9an, Irurtzungo Kultur Etxean. Bertan izango dira, besteak beste, Mikel Uharte Larraungo alkatea eta gure bailarako Kalaxka eta Ondare taldeetako kideak.

Larraun ura eta lurra proiektua abian da

Zer-nolako garapen eredua behar dugu Larraunen? Galdera hori Larraungo Udalaren jardunaren erdigunean jarria dugu. Larraundarron ongizatea, gure herrien garapena eta ingurumenarekiko oreka bilatu nahi ditugu, eta horretarako, sektore guztietan eredu jasangarri baterantz jo behar dugula uste dugu.

Tokiko garapenaren norabide horretan, herritarrei gai anitzen inguruko informazioa eman, ingurunearekiko sentsibilizazioa eta kontzientziazioa landu eta aurrera begirako irtenbideak eskaintzeko helburuz udazkenerako egitarau oparoa prestatu dugu, zenbait eragilerekin elkarlanean; proiektu honen zutabe nagusietako bat elkarlana izan dadin nahi baitugu.

Beraz, herritar oro gonbidatuta zaudete antolatutako ekimenetara (ikus programazioa irudian). Horrez gain, aurrerantzean edozein proposamen edo ideia izanez gero, ongietorriak izango dira.

Egoitza elektronikoa sortzea

De acuerdo con lo previsto en la Ley 39/2015, de 1 de octubre, del Procedimiento Administrativo Común de las Administraciones Públicas y en la Ley 40/2015, de 1 de octubre, de Régimen Jurídico del Sector Público, y con el fin de poner a disposición de la ciudadanía un sistema de comunicación para relacionarse telemáticamente con nuestra entidad,

RESUELVO:

1. Proceder a la creación de la Sede Electrónica del Ayuntamiento de Larraun, que se ubicará en la siguiente dirección electrónica: http://larraun.egoitzaelektronikoa.eus.

2. La Sede Electrónica entrará en vigor el día siguiente al de la publicación del presente anuncio en el Boletín Oficial de Navarra.

3. Ordenar la publicación de la presente Resolución en el Boletín Oficial de Navarra.

4. Notificar la presente resolución a todas las áreas del Ayuntamiento y publicarla en la Sede Electrónica y en el portal web del Ayuntamiento el mismo día de su publicación en el Boletín Oficial de Navarra.

5. Asignar a la Secretaría General del Ayuntamiento de Larraun las funciones de dirección y coordinación de la Sede Electrónica.

https://bon.navarra.es/es/anuncio/-/texto/2020/59/64

COVID-19: pertsonen hondakinak kudeatzeko jarraibideak

COVID-19an positibo eman dutenen eta berrogeialdian dauden pertsonen hondakinak kudeatzeko jarraibideak

Trantsizio Ekologikorako Ministeritzak emandako jarraibideak aintzat hartuta, COVID-19aren proban positivo eman duten edota berrogeialdian dauden herritarrek EZ DUTE HONDAKIN BEREIZKETARIK EGINGO eta HONDAKIN GUZTIAK ERREFUSAREN EDUKIONTZIETARA BOTA BEHARKO DITUZTE ONDO ITXITAKO POLTSETAN.

Jarraibideak

1go urratsa
Gaixo dagoen pertsonak sortutako hondakin guztiak (eskularruak, zapiak eta maskarak barne) plastikozko poltsa batean sartuko dira, gaixoaren gelan jarritako zakar-ontzi batean.

2. urratsa
Poltsa hau behar bezala itxi eta gelako irteeratik gertu egongo den plastikozko bigarren poltsa batean sartuko da. Bigarren poltsa honetan sartuko dira zaintzaileek edo gainontzeko pertsonek erabilitako eskularruak eta maskarak ere, eta ondoren ongi itxiko da.

3. urratsa
Bigarren poltsa hau gainerako hondakin guztiekin batera plastikozko hirugarren poltsa batean sartu eta ongi itxiko da. Segidan eskuak ongi garbituko dira ura eta xaboiarekin, minutu batez gutxienez.

4. urratsa
Zakar-poltsa errefusarentzako edukiontzian sartuko da. Debekatuta dago gainontzeko edukiontzietan edo edukiontzien inguruan uztea.

Hondakin zerbitzuari buruzko informazioa eta gomendioak

Mendialdea Mankomunitatea gaur egungo egoerak hondakin zerbitzuan izan dezakeen
eragina ahal den heinean gutxitzen saiatzen ari da. Horregatik herritar guztien laguntza
behar du, batez ere honako gomendioak jarraituz:

  1. Hondakinen kopurua gutxitu.
  2. KONPOSTA indartu.
  3. Poltsak ondo itxi. Denontzat garbiagoa.
  4. Kartoia zapaldu.
  5. Ontzi arinen bolumena gutxitu (tetrabrik-ak zapaldu, plastikozko botilei airea kendu, eta abar.).
  6. Debekatua dago edukiontzitik kanpo ezer uztea.
  7. Egoera normalizatu arte, ez atera premiazko kudeaketa behar ez duen hondakinik.
  8. Sortutako hondakinak gutxitu eta hainbat aktibitate sahiestu (ganbara garbiketak, adibidez).
  9. Hondakinak bota ondoren eskuak ongi garbitu.

Gogoratu Leitzako eta Goizuetako garbiguneak itxita daudela, eta Traperos de Emaus-ek
EZ duela etxez etxeko zerbitzua eskainiko.