Aurtengoan ere udalerri euskaldunetako gazteentzako udalekuak antolatu ditu UEMAk. Salto! lelopean, udalerri euskaldunetako gazteak euskararen inguruan sentsibilizatzea, kontzientziatzea eta saretzea bilatuko dute udalekuek. Formatua errepikatuko da, ibiltariak izango baitira egonaldiak. Tolosaldean eta Goierrin barrena ibiliko dira aurten gazteak, Baliarraindik Idiazabalera, Zaldibia eta Ataun ere zeharkatuz.

2007 eta 2010 urteen artean jaiotako 60 lagunentzako tokia izango da txanda bakoitzean. Lehen txanda ekainaren 22tik 30era izango da eta bigarrena uztailaren 2tik 10era. Izen-ematea martxoaren 1ean zabalduko da eta martxoaren 31n amaituko da.