Gasbidearen proiektua: alternatiba jasangarriago bat proposatu du Udalak

Larraungo Udalak, Arakilgo Udalarekin batera, administrazioarekiko auzi-errekurtsoa aurkeztu du Nafarroako Gobernuak Etxeberri eta Lekunberri arteko gasbide baterako baimena ematearen kontra, eta, aldi berean, bide berri bat aztertzeko eskatu du. Aurreikusitako gasbide horrek gure udalerriko Madotz, Oderitz, Astitz eta Alliko lurrak gurutzatuko lituzke.

Arakilgo eta Larraungo Udalek adierazi dute ez daudela gasbide proiektuaren kontra, izan ere, Lekunberrin beharra dago eta hura ase behar da. Bi udalak aukeratutako trazaduraren aurka daude. Horregatik, administrazioarekiko auzi-errekurtsoa aurkeztu dute Nafarroako Gobernuak baimena ematearen kontra. Aldi berean, Plazaolako trazadura aztertzeko eskatu dute, zentzuzkoena, inpaktu gutxienekoa eta ekonomikoena dela iritzita. Txostena aurkeztu dute horretarako. Hodi eta kanalizazio guztiak hortik doaz, esaterako, Plazaolako bide berdean barna eramaten da gaur egun Iribastik Irurtzunera arteko goi ur-hornidura sarea eta zuntz optikoaren sarea ere handik hedatzen da.

Proiektuaren eta balizko alternatiben inguruko informazio gehiago emateko, solasaldia izanen da ostiralean, urriaren 9an, Irurtzungo Kultur Etxean. Bertan izango dira, besteak beste, Mikel Uharte Larraungo alkatea eta gure bailarako Kalaxka eta Ondare taldeetako kideak.

Larraun ura eta lurra proiektua abian da

Zer-nolako garapen eredua behar dugu Larraunen? Galdera hori Larraungo Udalaren jardunaren erdigunean jarria dugu. Larraundarron ongizatea, gure herrien garapena eta ingurumenarekiko oreka bilatu nahi ditugu, eta horretarako, sektore guztietan eredu jasangarri baterantz jo behar dugula uste dugu.

Tokiko garapenaren norabide horretan, herritarrei gai anitzen inguruko informazioa eman, ingurunearekiko sentsibilizazioa eta kontzientziazioa landu eta aurrera begirako irtenbideak eskaintzeko helburuz udazkenerako egitarau oparoa prestatu dugu, zenbait eragilerekin elkarlanean; proiektu honen zutabe nagusietako bat elkarlana izan dadin nahi baitugu.

Beraz, herritar oro gonbidatuta zaudete antolatutako ekimenetara (ikus programazioa irudian). Horrez gain, aurrerantzean edozein proposamen edo ideia izanez gero, ongietorriak izango dira.

Egoitza elektronikoa sortzea

De acuerdo con lo previsto en la Ley 39/2015, de 1 de octubre, del Procedimiento Administrativo Común de las Administraciones Públicas y en la Ley 40/2015, de 1 de octubre, de Régimen Jurídico del Sector Público, y con el fin de poner a disposición de la ciudadanía un sistema de comunicación para relacionarse telemáticamente con nuestra entidad,

RESUELVO:

1. Proceder a la creación de la Sede Electrónica del Ayuntamiento de Larraun, que se ubicará en la siguiente dirección electrónica: http://larraun.egoitzaelektronikoa.eus.

2. La Sede Electrónica entrará en vigor el día siguiente al de la publicación del presente anuncio en el Boletín Oficial de Navarra.

3. Ordenar la publicación de la presente Resolución en el Boletín Oficial de Navarra.

4. Notificar la presente resolución a todas las áreas del Ayuntamiento y publicarla en la Sede Electrónica y en el portal web del Ayuntamiento el mismo día de su publicación en el Boletín Oficial de Navarra.

5. Asignar a la Secretaría General del Ayuntamiento de Larraun las funciones de dirección y coordinación de la Sede Electrónica.

https://bon.navarra.es/es/anuncio/-/texto/2020/59/64

Aralarko San Migel

Iraupena: 5,20

Kilometroak: 20

Ibilbidea: Iribas – Burnigurutz – Ata – San Miguel – Baraibar – Iribas

Deskribapena: Aralarren, San Migelgo santutegi ospetsua dugu erakargarririk handiena; debozio kartsua diote, eta kondairaren xarmaz unguratua dago. Bidexka hau eginez, Araitz eta Larraungo ibarretatik santutegiraino zegoen bide zaharrean zehar ibiliko gara, zati handi batean. Ibilbide honetako toki xarmangarrien artean hauek izanen ditugu: Aitzarretako iturburua, Burnigurutzeko bidea, eta Atako ibartxo atsegina, betiere pago eta belardi artean. Ibilbide hau egokia da soilik esperientzia eta prestakuntza fisiko zerbait dutenentzako. Erne laino egunetan.

Ibilbidea

Powered by Wikiloc

Ibilibidea: Larraun – Basaburua

Deskribapena: Lekunberritik San Migelerako bidean, lehen bidegurutzean ezkerraldera hartuko dugu Iribaseraino. Sarreran aparkalekua eta informazio ohola izanen ditugu. Uraren bideska: 5 km.ko paseo atsegina; Ertzilla ibaiaren iturburua, hobian nola sartzen den eta azalera berriz ateratzen ikusiko dugu, Larraun izena duela.

Artisauak:

  • Etxarri: Bikain gaztandegira bisita gidatua. Gazta eta mamiaren prozesuak ezagutuko ditugu.
  • Beruete: Txaseneko Borda eta Behekoetxea Sagardotegira bisita gidatua. Sagardo garaian (ilbeltza-apirila) sagardotegiko menua dastatzeko aukera: bakailu-tortilla, txuletoia, gazta, intxaurrak eta irisagar-gozoa.

Jarduerak: Baraibarko “Aralar” zalditegiak zaldiak alokatzea; Aralarren bertan edo Natur Bidea gozatzeko beste aukera bat.

Kokapena

Iribaseko sorburuak. Ibilbidea

Nondik joan: Lekunberritik 2km-tara, Aralarko San Migelera igotzen den errepidean.

Deskripzioa: Iribasko iturburuaren inguruak iturri, leize, sarbegi, dolina eta uraren bideak erakutsiko dizkigu, urak bere etengabeko ibilian kare-harria zulatu eta haren nahietara itxuratzen baitu.

Uraren aprobetxamentuaren kulturak badu zer erakutsi lehengo garaietan ere; Aitzarratetako errotaren arrastoak, kasu. XII. mende hasiera arte aritu zen, arian-arian artoa eta garia ehotzen Baraibar eta Iribasko jendearentzat; eurite batek presa eraman eta bere hartan gelditu zen.

Lezealde izeneko lezean pasabide eta salak nahasten dira sapai eta zoru ederretan; barren-barrenean urtegia.

Ibilbideak: Iribasko iturburuak

Ibilbidea

Powered by Wikiloc

Aitzarrateta Sorburua

Sarbidea: Lekunberritik 2 km.ra, Aralarko San Migelera igotzen den errepidean

Deskripzioa: Iribas Sorburuen lurraldean iturburuak, leize eta ur zuloak, dolinak eta uberkak… aurkituko ditugu, urak kare-mendi baten barnealdea eta azala moldatzeko  gai dela erakutsiko digu.

Uraren aprobetxamenduaren kulturaren adierazle ditugu Aitzarrateta errotaren hondakinak. Errota XX. mende hasiera arte ibili zen martxan, artoa eta garia txikituz Baraibar eta Iribaseko bizilagunentzat. Orduan, uholde gogor batek presaren zati bat eraman eta segidan erabiltzeari utzi zioten.

Lezegalde leize zuloa areto eta igarobide sare baten bitartez zeharkatu dezakegu, edertasun handiko zoru eta sabaien artean, urtegi handi batera iritsi arte.

Ibilbideak: Iribas Sorburuak

Kokapena

Probintzietako Errege-Abelbidea

Probintzietako Errege Abelbide zaharrak Nafarroako erdialdea, Iruñea hegoaldean, eta Gipuzkoaren bihotza (Euskadi) lotzen zituen. Paisaien aniztasuna oso nabarmentzekoa da mediterranear eraginetik atlantiarrera igarotzen baita.

Nafar aldean Noainetik abiatzen da, Iruñerrian, hiriburu inguratzen du Miluze eta Berriobeiti zeharkatu zeta Beorburun uzten du Iruñerria atzean. Bertan Imotz, Basaburua eta Larraungo lur berde eta hezeak topatuko ditu. Erkidego honetan 60 bat km egingo ditu.

Etxarrin GR 12arekin lotzen da eta Ulizarren GR 121ekin.

Kokapena

Azpirotzko Behatokia

Nondik joan: A15 autobidean, Gorriti-Lekunberri aldera, Azpirozko tunela igaro ondoren

Deskripzioa: Autobiako behatokitik bistan ditugu Aralar eta Malloetako paraje ikusgarriak. Lekua baliatu da senitartean otordua gozatzeko adinako ekipamendua jartzeko.

Oharrak: Aparkalekua dago, harrizko 6 mahai eta zaborrontziak.

Kokapena

Mendukilo lezezuloa

Helbidea: Ctra NA7500 Lekunberri-Madotz
PK: 31879
Telefonoa: 948 39 60 95 – 608 623 604
Email: mendukilo@mendukilo.com
Web: www.mendukilo.com

 

Nondik joan: NA-7500 errepidea, Lekunberri-Madotz

Deskripzioa: Orain arte espeleologo eta abenturazale gutxi batzuen eskura zeuden Aralarko erraiak, uztailatik aurrera edonoren esku jarriko ditu Astitzko Mendukilo leizeak.

Astitzko Kontzejuaren herri lurretan kokatua dagoen leize hau, mendeetan zehar mendi ukuilu gisara erabilia izan da. Baina aurtengo udatik aurrera, erabilpen berri bat izango du, bisitariak jasotzeko moduan atondu baita. Lur azpiak dituen berezko zailtasunak edonori errazteko asmoz, zaldain flotakor, argiztapen berezi, multimedia eta bozgorailu sistemez hornitu da leizea. Honela, ibilbidea bere kasa bi pisu igo eta jaitsi ditzakeen edonorentzat egokituta dago. Bisita guztiak zonaldeko giden laguntzaz gauzatuko dira, gehienez 20 pertsonaz osatutako taldeetan. 50 minutuko iraupena izango duten bisita hauetan hiru gelaune ikusteko parada izango da:

Artzainzulo: sarrerako gela izanik, argi naturala iristen da eta bere bolumen itzelari esker nahiko argiztatua egoten da. Gela honetan lehen formazio geologiko xumeak ikusiko ditugu. Gelaunearen amaierara iristean, Jentileioko tutuan sartu gara eta 28m jaitsi ostean kobaren erraietan izango gara. Hartz Zuloan gaude eta gela honek banatzaile gisara jokatzen du, bertatik gainontzeko gelaunetarako sarrera baitago. Laminosin: gelaune honen ezaugarri nagusia, formazio geologikoen aniztasun eta kopuru itzela da: estalaktitak, estalagmitak, gourgs-ak…non nahi gertu-gertutik ikusiko ditugu.

Herensugearen Gotorlekua: bisitatuko den azken gelaune honen ezaugarri bereizgarria bere bolumen itzela da (60m-tako luzera eta zenbait puntutan 20m-tako altuerara iristen da). Bertatik berriro ere lur azalerantz abiatuko gara, kobazuloaren ahoan bisitari amaiera emanaz.

Bisitaren osagarri gisa eta irteerari ahalik eta etekin gehien ateratzearren, harrera etxe bat eraiki da leizearen kanpoaldean. Bertan, ikus-entzunezko gela, esposatze gunea, taberna, komunak eta denda xume bat ezarri dira. Ikus-entzunezko gelan 15 minutuko dokumental bat ikusteko parada izango da, Aralarko mendizerra oinarritzat harturik, lur azpirako eremuaren ezaugarriak plazaratuko dizkiguna. Esposatze gunea, lur azpia balitz bezala girotu da maketa-dekorazio baten bitartez. Bertan, koban ikus daitezkeen formazio geologiko ezberdinen aniztasuna ikusteko aukera izango dugu.


Mendukiloko leizea irrikitan dago bere altxorrak erakusteko.
Ikusi, ikasi, gozatu eta errespetatu.

Ibilbideak: Udako ordutegia: 10:30h-13:30h (azken sarrera)
15:30h-19:00h (azken sarrera)

Sarrerak: 30 minuturo. Taldeko 20 bisitari gehienez. Sarrera tiketak, bisita hasi baino 15 minutu lehenagorarte eros daitezke.

Sarreren prezioa:

  • Helduak: 8 €
  • Haurrak(4-10 urte): 6 €
  • Jubilatuak: 6 €
  • Taldeak (20 baino gehiago): 6 €
  • 4 urte baino gutxiagokoek Dohainik

Kokapena