Nafarroako Iparraldeko Euskara Mankomunitateak zonaldeko 17 urte edo gehiagoko gazte euskaldunei bideratutako begirale titulurako ikastaroa antolatu du. 2025-2026 ikasturtean zehar haur eta gazteen aisialdirako begirale titulu ofiziala lortzeko ikastaroa eskainiko du Larraintzarren. Gutxieneko taldea 10 lagunekoa da eta gehienez taldean 25 plaza eskainiko dira. Ikastaroak 310 orduko iraupena izango du; horietatik 150 ordu atal teoriko-praktikoei eskainiko zaie, hainbat modulotan banatuta. Atal praktikoak, bestalde, 160 orduko iraupena izango du.

Ikastaroari buruzko zehaztapen gehiago nahi dituzu?

Ultzamaldeko Euskara Zerbitzuak haur eta nerabeen aisialdirako begirale izateko titulu ofiziala eskuratzeko ikastaroa antolatu du eta ikastaroaren inguruko azalpenak eman eta zalantzak argitzeko, bilera informatiboa antolatu du martxoaren 26an, arratsaldeko 18:00etan, Larraintzako Bentako 3. gelan. Bilerara bertaratu nahi izanez gero, aurrez izena eman beharko duzu martxoaren 21a baino lehen. Horretarako, idatzi mezu bat ezubioa@iparmank.eus helbidera, zure izen-abizenak eta telefono zenbaki bat zehaztuz.