Lekunberriko Garapen Elkartea S.L. enpresak baja bat betetzeko lan eskaintza deialdia zabaldu du. Aurkezteko epe muga 2025eko martxoaren 19a da. Eskainiko den lanpostua garbiketakoa da eta Lekunberrin, Plazaola Kirolgunean izango da. Interesa duen orok lgeplazaola@gmail.com helbidera bidali beharko ditu bere datuak edota Plarazola Kirolgunera bertaratu (Burundegia kaleko 9. zenbakian, Lekunberrin).
Lanpostuaren zehaztapenak
Eskaintzen den lanpostua garbiketakoa da eta eginkizunak kirol instalazioak garbi mantentzea, batetik, eta bestetik, garbiketa produktuen eskaera egitea izango da. Ordutegiari dagokionez, astelehenetik ostiralera 5 ordukoa izango da egun bakoitzeko. Larunbat eta igandeen kasuan, bi asteburutik behin, 5 ordukoa egunean.
Lan hitzarmena kirol zerbitzuak eta ekipamenduak kudeatzen dituzten enpresa eta erakunde pribatuen Hitzarmen Kolektiboa da, 2025. urterako adostutako hobekuntzekin. Ondorioz, soldata aipaturiko hitzarmenaren baitakoa izango da.
Gutxieneko eskakizunak eta balioan jarriko diren gaitasunak
Ezinbesteko eskakizunak bi dira. Lehena, eskola-graduatua edo baliokideak diren gutxieneko ikasketak izatea. Bigarrena, hamasei urteak beteta izatea eta nahitaezko erretiroa hartzeko gehieneko adina ez gainditzea. Horrez gain, balioan jarriko da garbiketa lanetan esperientza izatea eta Nafarroako bi hizkuntza ofizialak, euskara eta gaztelera, ezagutzea.
