Emakume Langilearen eguna ospatzeko ekintzak, zinea, antzerkia, inauteriak, mendia, musika eta gehiago! Ez galdu Aldatz, Arruitz eta Baraibarko ihoteak, Ttutturreren mendi irteera edo Lekunberriko Krossa.
Euskaraldia 2025 maiatzaren 15etik 25era bitartean ospatuko da, eta laugarren edizio honetan ere hizkuntza-ohiturak aldatzeko erronkari eutsiko zaio. “Elkar mugituz egingo dugu” lelopean, antolatzaileek aktibazioa, mugimendua, emozioak eta elkarrekiko eragina nabarmendu nahi izan dituzte.
Martxoaren 1etik aurrera herritarrek Euskaraldian izena eman ahal izango dute. Aurreko edizioetan parte hartu dutenek posta elektronikoz gonbidapena jasoko dute berriro parte hartzeko. Parte hartu nahi duenak izena eman dezake www.euskaraldia.eus webgunean.
Aurtengo berrikuntza nagusietako bat Euskaraldia Hika ekimena da. Parte-hartzaileek izena ematerakoan adierazi ahal izango dute hitanoa sustatzeko keinua egin nahi duten ala ez. Horretarako, ez da nahitaezkoa hika jakitea; hitanoa ikasi edo entzun nahi dutenek ere parte har dezakete. Hori identifikatzeko, Ahobizi eta Belarriprest txapei “H” hizkia gehituko zaie, eta horrek hika egiteko prestutasuna adieraziko du.
Euskaraldiari buruzko informazio guztia www.euskaraldia.eus webgunean eskuratu daiteke. Zalantzak argitzeko, harremanetan jar zaitezke antolatzaileekin: larbeleareuskaraz@iparmank.eus edo 948 504400 telefonoan.
Emakumeen Nazioarteko Eguna ospatzeko prest? Martxoaren 1etik 22ra, adin eta gustu guztietarako ekintzak izango dira: ipuin-kontalaria, ginkana, dokumentalak, antzerkia eta gastronomia… animatu parte hartzera!
Bigarren faseari ekin dio UEMAk, beste herrialdeetatik Euskal Herrira etorri, euskara ikasi, eta jendaurrean aritzen diren tabernariak, zerbitzariak eta dendariak dira kanpainaren oinarria, eta horiekin erdaraz hasten diren euskaldunen aurreiritziak gainditzea da helburua.
Euskal Herrian, jatorri desberdinetako euskaldun ugari daude, horien artean: Amin, Ansou, Narcisa, Rizwan, Keyla, Marcos, Maurizio, Guina, Jennifer, Daniel, Michele eta Valeria, adibidez. Aljerian, Senegalen, Errumanian, Pakistanen, Brasilen, Bolivian, Sardinian, Uruguain, Mexikon eta Nikaraguan jaioak dira. Etxean arabiera, wolofera, errumaniera, urdua, portugesa, sardiniera edo gaztelera ikasi dute, baina dagoeneko, euskararekin zuten harremana landu eta barneratu dute.
Euskara ez da haien lehen hizkuntza, baina ikastea eta erabiltzea erabaki dute. Hala ere, askotan, aurreiritzien ondorioz, herritarrek zuzenean erdaraz hitz egiten diete, euskaldunak direla zalantzan jarriz.
Euskara, ordea, elkarren arteko harremanak sendotzeko tresna indartsua da, zubirik sendoena. Horregatik, euskaldun hauek ere euskaraz hitz egin nahi dute, gustuko dutelako eta euskal gizartearen parte direlako.
Nafar Gobernuko Mugikortasun Sailak bus zerbitzu berria abiatu du, egunero 13:00etan Iruñeko Bus Geltokitik abiatuta.Continue reading
